أجرينا قبل قليل حوارا عبر الهاتف مع مصابة بكورونا ترقد بمصحة الزيراوي بمدينة الدارالبيضاء ،(ع.م) البالغة من العمر 74 سنة أصيبت بكورونا بعد انتقال العدوى إليها و لزوجها (78 سنة )و حفيدها (6 سنوات) من زوجة ابنها التي تعمل بالمصنع الذي أصيب كل العاملين به بمنطقة عين السبع بفيروس كورونا.
كيفاش حتى تصابيتي بكرونا؟
قصتي مع كورونا بدات ملي بدينا فالدار كنحسوا بأعراض غريبة، أنا فقدت الشهية و كيجيني جفاف في الحلق و طعم مر في الفم و قيء متكرر، أما الزوج ديالي فالعكس تماما ارتفاع في درجة الحرارة و تعب شديد ، هذه الأعراض كاملة مشكيناش فكورونا و قلنا عادي هدشي بحكم السن المتقدم حتى جا اليوم اللي لقاو فيه كورونا في مصنع عين السبع ، تما زوجة ابني دارت التحاليل وتأكدت الإصابة ديالها و ملي دارو لينا التحاليل لقاونا مصابين كاملين إلا ابني غير مصاب و حالته سليمة.
شنو السبب اللي خلا ولدك متصابش ؟
ولدي كيخدم فالليل و الصباح مكيخالطناش بزاف حيت كيكون ناعس.
ملي تأكدات إصابتكم إلى أي مستشفى نقلتم إليه ؟
زوجة ابني و طفلها داوهو لمستسفى محمد الخامس أما أنا وزوجي داونا مصحة الزيراوي.
كيف كان حالكما مع كورونا و أنتما داخل مصحة الزيراوي؟
زوجي بحكم السن و كونو مدخن لسنوات حالتو ضهورت بزاف و نعس في الإنعاش شي يامات ، ومن بعد حالتو تحسنت و خرجوه من تما.
شحال العدد ديالكم في الغرفة و شنو لعلاجات اللي كتاخدوا فالمصحة ؟
الغرفة اللي فيها أنا كينين حنا جوج أنا واحد السيدة .
أما العلاجات اللي كناخدو فهو جوج حتال ثلاثة ديال الحقن فالنهار اللي كيتسببوا فإسهال شديد.و الممراضات كيجيو عندنا باش كنبدلو الأقنعة الواقية ثلاث مرات في اليوم.
ماهي الأغدية التي يقدمونها إليكم ؟
صراحة مهليين فينا بزاف أو لماكلة كتبقى شايطة ما بغاها حد ( السمك والسلطات و اللحم بالبرقوق و الفواكه و الياووغت و حساء الخضر) و جبات صحية مفرقة على طول اليوم فطور و غداء و عشاء ، و فرمضان كيعطيونا وجبة وقت الإفطار وخاحنا مصيمينش كنحسو بحال إلا فدارنا.
بعد هذه المدة في المصحة ما تقرير الأطباء عن حالتك الصحية ؟
(بنبرة صوت فرحة) الحمد لله حالتي ولات مزيان و كذلك حالت زوجي أما زوجة ابني و طفالها راهم براو أو خرجوا داوهم لأحد الفنادق بالداراابيضاء أو ديما كنتواصلوا معا بعضياتنا بالهاتف ، و حتى هنا فالمصحة ديما كنسمعوا زغاريد الناس اللي براو و غيخرجو و هدشي اللي عطانا أمل و زاد قواني.
أما أنا الطبيب أخبرني أنه سأجري تحليل يوم الإثنين و إن تبث شفائي من كورونا سأغادر المشفى بدوري.
ماهي رسالتك إلى المغاربة ؟
بداية كنشكر الله اللي حسن حالتي و بدا كيشافيني و كنبغي نشكر الملك محمد السادس الله ينصروا و الله يطول ليه العمر على هذه المواقف الإنسانية اللي دار معانا و نسأل الله يجزيه عنا خير الجزاء ، و كنشكر كذلك الأطباء و الممرضين اللي كيعاملونا معاملة طيبة و خلوقة و كنشكر كل شخص كان له يد عون من قريب أو بعيد .
و كنقول للمغاربة خودوا الإحتياطات ديالكم راه هاذ مرض كيكرفص مولاه و كيخليك تفكر فالموت كل دقيقة ، الله ينجيكم منو و يخلي ليكم صحيحتكم.
