مسؤولين أمنيين كبار بمدرسة الخيالة و مقاولين و وسيط مثلو أمام قضاة غرفة الجنايات. الإبتدائية المكلفة بجرائم الأموال لدى محكمة. الاستئناف بالرباط ،أول أمس الأربعاء، بعدما تكتاشف تورطهم فاستيراد خيل مريضة ما صالحاش للأمن باش يدمجوها فمجموعة خيل فرق محاربة الشغب و استتباب الأمن .
وبحسب يومية الصباح ، المحاكمة ديال هاذ البوليس و الي معاهم تأجلات حتال 17 من هذا الشهر بطلب من الدفاع ديالهم، هاد الشكاية حركاتها المديرية العامة للأمن الوطني بتعليمات مباشرة من الحموشي.
التحريات كشفت عن شراء 21 عود من بلجيكا و هولاندا بثمن خمسين مليون للحصان الواحد الأمر الي خلا شكوك دور حول هاذ الصفقة و بعد التحريات تبين تورط ثمانية أشخاص من بينهم ثلاثة مسؤولين كبار فالبوليس ، الي هوما مدير مدرسة الخيالة السابق الي الرتبة ديالو مراقب عام و الي كان غيدوز والي أمن فرأس السنة الميلادية الجديدة، و مقاولين و وسيط .
بعد انتهاء التحقيقات وجهت غرفة الجنايات لمدير المدرسة الملكية للخيالة تهم اختلاس و تبديد أموال عمومية و المشاركة في صنع عن علم شهادة كتضمن بيانات كاذبة و المشاركة في التزوير في محررات رسمية… المزيد من التفاصيل تقرؤونها في جريدة الصباح في عددها الصادر لنهاية الأسبوع.
